मेचीनगर, वैशाख १० । नेकपा एमाले मेचीनगर ४ का वडा कमिटि इन्चार्जसहित छ जनाले पार्टी परित्याग गरेको घोषणा गर्नु भएको छ ।
आज एक विज्ञप्ती जारी गर्दै पार्टीभित्र सामुहिक भन्दापनि बढी व्यक्तिवादी चरित्र हाबी भएको भन्दै आजकै मितिबाट एमालेमा नरहेको घोषणा गर्नुभएको हो ।
यसरी पार्टी परित्याग गर्नेमा नेकपा एमाले वडा कमिटी इन्चार्ज प्रविण भण्डारी, वडा सहइन्चार्ज प्रणा कार्की, वडा कमिटी सहसचिव प्रकाश पाण्डे, वडा सचिवालय सदस्य टिकाराम सापकोटा (रामु), संगठित सदस्य किरण प्रधान र सुस्मिता खतिवडा रहनु भएको छ । वहाँहरुले हस्ताक्षर गरी संयुक्त विज्ञप्ती जारी गर्नु भएको छ ।
‘इमान्दार कार्यकर्तालाई पाखा लगाएर स्वार्थ समुहको प्रवद्र्धनमा नेतृत्व लागेका कारण यही पार्टीमा रहेर काम गरिरहन समस्या देखा परेको छ ।’ विज्ञप्तीमा भनिएको छ ।
२०८० बैशाख १०, आईतवार प्रकाशित
0 Minutes
131 Views
