मेचीनगर । मेचीनगरमा प्रहरीले चिरानी गरिएको सालको काठसहित पिकअप भ्यान नियन्त्रणमा लिएको छ ।
जिल्ला प्रहरी कार्यालय झापाका अनुसार नगरपालिकाको ८ नम्बर वडास्थित दुर्गा मन्दिर टोलमा अन्दाजी ४० क्यु. फिट चिरानी काठ सहित मे १ ज ११८० नम्बरको भ्यानलाई नियन्त्रणमा लिएको हो ।
सुपारीको पात बकेर उत्तरबाट दक्षिणतर्फ जाँदै गरेका उक्त भ्यानलाई जिल्ला प्रहरी कार्यालय र इलाका प्रहरी कार्यालय काँकडभिट्टाबाट खटिएका प्रहरीले शङ्काको आधारमा चेक जाँच गर्दा सो परिमाणको काठ बरामद गरेपछि काठ र भ्यानलाई नियन्त्रणमा लिएको कार्यालयले जनाएको छ ।
चेकजाँचका लागि प्रहरीले भ्यान रोकेसँगै भ्यान चालक भने फरार भएको कार्यालयले जनाएको छ ।
२०८० बैशाख ६, बुधबार प्रकाशित
0 Minutes
27 Views
