काठमाडौं ।। सशस्त्र प्रहरी बलमा राजु अर्याल महानिरीक्षक भएपछि देशव्यापी रूपमा नै एउटा परिपत्र गरियो कि बिशेष व्युरो बाहेक अन्य कुनै पनि मातहतका कार्यालयले सिभिलमा घुमुवा परिचालन गर्न पाइने छैन ।
तर त्यो परिपत्रको धज्जी उडाउदै झापामा सादा पोशाकका घुमुवाहरूले खुलेयाम तस्कर र व्यापारीबाट रकम असुलीको कामहरू गरिरहेका छन ।
झापाका सशस्त्र एसपी र काँकरभिट्टा इन्सपेक्टरको नाम बेचेर पूर्वी नाका काकँरभिट्टा सशस्त्र प्रहरी जवान रामवहादुर तामाङले खुलेयाम असुली धन्दा चलाउँदै आएका छन ।
यि जवान काँकरभिट्टा स्थित बिओपी बाट सादा पोशाकमा घुमुवाको रूपमा परिचालन छन । त्यति मात्रै होइन घुमुवा रामले व्यापारी र तस्करहरू सँग असुल्ने रकम माथि नभन्न भन्दै दवाव दिने र पैसा दिएको केही दिनमै सामान समात्ने गरेका छन ।
आर्थिक लेनदेन , उठन्ती र घुमुवा परिचालन गर्ने सबै अधिकार सशस्त्र प्रहरीको माथिल्लो क्षेत्रबाट आएको आदेश झै गरेर नाकामा राज्य चलाइरहेका छन । यस बिषयमा भखरै पूर्व क्षेत्रमा डिआइजी भएर आएका प्रमुख , झापाका एसपी लाई जानकारी नभएको पनि होइन तर अनुसन्धान नगर्दा उनी नाकामा डन झै भइरहेका स्रोत बताउँछ ।
यसै नाकाबाट व्यापार गर्ने व्यापारी देखी अन्य तस्करीहरुले यि जवानलाई मार्षिक नजराना बुझाउँने गरेका छन । तर हरेक महिना रकम दिन ढिला भए तुरुन्तै सामान समात्ने गरेको गुनासो हामी सँग आएको छ ।
रकम उठाइ कमाउ धन्दा चलाउँने प्रहरीका रुपमा बिगतमा समेत विवादमा आएका जवानलाइ सशस्त्र प्रहरी सरक्षण गर्नुको पछाडीको रहस्य माथि प्रश्न गर्न सकिन्छ ।
व्यापारीसँग पैसा उठाउनकै लागि नाकामा प्रहरीलाई सिविलमा हिनाउने र माथिल्लो निकायबाट संरक्षण हुदा हाकिमकै लागि पैसा उठाउने भएपछि उनिहरुले जहिल्यै पनि उन्मुक्ति पाइरहेको तितो यर्थाथ छ ।
सबै प्रमाण हामी सँग सुरक्षित छ ।
