मेचीनगर । मेचीनगर–९ धुलाबारीमा सञ्चालित होलिवेल इङ्लिस स्कूलले पनि बाल दिवस मनाएको छ । बुधबार राष्ट्रिय बाल दिवस विविध रचनात्मक कार्यक्रम गरेर मनाएका छन् । दिवसको यसवर्षको नारा बालमैत्री समाजको आधार : जिम्मेवार परिवार, उत्तरदायी सरकार भन्ने रहेको छ ।
कक्षागतरुपमा साँस्कृतिक तथा लोक नृत्यमा आफ्नो प्रतिभा देखाएका थिए । विद्यालयले २०७८ सालका शैक्षिक उत्कृष्ट विद्यार्थीलाई पुरस्कार समेत वितरण गरेको छ । विद्यालयका प्रधानाध्यापक अरिस्ता प्रधानले पुरस्कार वितरण गरेकी हुन् ।
विद्यार्थीले सञ्चालन गरेको उक्त कार्यक्रममा शिक्षकहरूले पनि नृत्य तथा गायन विधामा प्रस्तुति दिएका थिए । विद्यालयले हरेक बाल दिवसको अवसर पारेर संस्थापक स्वर्गीय अणु प्रधानको स्मृतिमा एकजना गरिब तथा जेहेन्दार विद्यार्थीलाई कक्षा १२ सम्म छात्रवृत्ति प्रदान गर्ने निर्णय समेत गरेको छ । प्रधानको वर्ष दिन अघि निधन भएको थियो । शैक्षिक यस विद्यार्थीलय अब्बल रुपमा चिनिदै आएको छ ।
