झापा ,१५ साउन । भन्सार छलेर भारतबाट नेपालतर्फ ल्याउँदै गरेको कपडा र जुत्ता प्रहरीले बरामद गरेको छ । आज मेचीनगर ६ गैरी गाउँबाट प्रहरीले १ लाख ६६ हजार बराबरको अवैध सामग्री बरामत गरेको जिल्ला प्रहरी कार्यालय झापाले जनाएको छ ।
आज विहान १०:३० बजे इलाका प्रहरी कार्यालय काँकडभिट्टाबाट खटिएको प्रहरी टोलीले मेचीनगर –६ गैरी गाँउमा नेपाल तर्फ ल्याउदैं गरेको १ लाख ६ हजार बराबरको साडी, कुर्था सुरुवाल, कुर्ती, लेगिज,सटको थान कपडाहरु र साँझ ५ बजेको समयमा नेपाल ल्याउदै गरेको ६० हजार बराबरको स्पोर्टस सुज बरामत गरिएको प्रहरी प्रवक्ता बसन्त पाठकले जानकारी दिए । उक्त बरामद गरिएको सामान आवश्यक कारवाहीको लागि मेची भन्सार कार्यालय काँकरभिट्टा बुझाएको झापा प्रहरीले जनाएको छ ।
२०७९ श्रावण १५, आईतवार प्रकाशित
0 Minutes
542 Views
