२०७९ मंसिर ११ आईतवार

पाँचथरमा कार दुर्घटना , हल्दिबारीका बुढाथोकीको घटनास्थलमै मृत्यु

मेची राजमार्गको इलाम फिदिम सडक खण्डअन्तर्गत पाँचथरको फाल्गुननन्द ३ पाङग्रेभीरमा कार दुर्घटना हुँदा एक जनाको मृत्यु भएको छ भने एक जना गम्भीर घाइते भएका छन् ।

आइतबार अपराह्न ४ः२० मा झापाको बिर्तामोडदेखि पाँचथरको फिदिम आउँदै गरेको मे १ ज २७८४ नम्बरको कार अनियन्त्रित भई सडकबाट सात सय मिटर तल खस्दा कारका चालक झापा हल्दिबारी गाउँपालिका साबिक जलथल गाविस ५ निवासी ४५ वर्षीय प्रकाश बुढाथोकीको घटनास्थलमै ज्यान गएको हो ।

दुर्घटनामा कारमा सवार पाँचथर फालेलुङ २ का ३६ वर्षीय भीष्म केरुङ घाइते भएका छन् । उनको अवस्था गम्भीर रहेकाले उपचारार्थ झापामा पठाइएको जिल्ला प्रहरी कार्यालय पाँचथरका प्रहरी नायव उपरीक्षक राकेश थापाले जानकारी दिए ।

२०७९ असार १३, सोमबार प्रकाशित 0 Minutes 138 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार