गौरादह, १० असार । आज विहान नेकपा एमाले झापाका अध्यक्ष दीपक कार्की एवम् पूर्वमन्त्री हिक्मत कार्कीको घरमा अज्ञात व्यक्तिले कुकर बम जस्तो देखिने शंकास्पद बस्तु राखेको पाइएको छ ।
विहान साढे पाँच बजेतिर घरमा सदस्यहरु उठ्दा प्रवेशद्वार अगाडि तारले जडित प्रेसर कुकर बम देखेपछि प्रहरीलाई खबर गरिएको अध्यक्ष कार्कीले बताए ।
शंकास्पद बस्तु डिस्पोज गर्नका लागि चारआलीस्थित नेपाली सेनाको टोली घटनास्थलमा बोलाइएको छ ।
शंकास्पद बस्तु कसले राखेको हो भन्ने बारेमा अनुसन्धान भइरहेको दमक इलाका प्रहरी कार्यालयका प्रहरी नायव उपरीक्षक दिलीप गिरीको भनाई छ ।
घटनास्थलमा कुनै पर्चा छैन । घटनाको जिम्मेवारी पनि कसैले लिएको छैन ।
२०७९ असार १०, शुक्रबार प्रकाशित
0 Minutes
150 Views
